Gobalka banaadir waa mid ka mid ah gobalada soomaaliya ee 18-ka ah, qormadan kooban waxaa aad kaga bogan doontaa gobalka banaadir halka uu dhoco baaxadiisa, kheyraadkisa iyo dadka ku nool.

Halka uu dhoco gobalka banaadir

Gobalka banaaadir waxaa uu ku yaalaa koonfurta soomaaliya,  waxa uu dhinaca galbeed xuduud kala wadaagaa gobalka shabeelada hoose, dhinaca woqooyi ama woqooyi barina gobalaka shabeelada dhexe, dhinaca barina badweynta hindiya.

Magaalo madaxda gobalka banaadir

Magaalo madaxda gobalka banaadir waa magaalada muqdisho oo islamarkaana ah caasimada soomaaliya. Muqdisho waa magaalo qadiim ah islamakaana leh taarikh iyo ilbaxnimo aad u fog dhinaca dhaqaalaha iyo horumarka dhinaca siyaasada iyo dhinaca diinta iyo waxbarashada. Inkastoo uu gobalka banaadir yahay gobalka baaxad ahaan ugu yar gobalada soomaaliya hadana waa gobalaka ugu dadka badan sooaaliya.

Magaalada muqdisho waxaa ku nool bulsho aad u tiro badan marka loo eego gobalada kale ee dalka, bulshooyinkaan aya isugu jira soomaali iyo ajaanib ka soo jeeda wadamo kala duwan.

Magaalada muqdisho waxa ay ka koobaan tahay ilaa 18 degmo oo kala ah:

Hodan, Howlwadaag, Boondheere, Shibis, Shangaani, Waabari, Wadajir, Dharkeenley , Cabdi casiis , Warta Nabada, Xamar Jajab, Xamarweyne, Hiliwaa , Yaaqshiid, kaaraan, daarusalaam, deyniile iyo  Kaxda.      

Madaama ay muqdisho tahay caasimada dalka waxaa ka jira ilbaxnimo iyo hormaro kala duwan ee dhinaca dhaqaalaha, siyaasada, waxbarashada iyo nolosha qeybeheeda kala duwan.

Dhaqaalaha gobalka banaadir

Dhaqaalaha  ugu badan ee gobalka banaadir gaar ahaan magaalada muqdisho waxa uu ku tiirsan yahay ganacsiga noocyadiisa kala duwan  maadaama ay magaalada leedahay teked weyn iyo garoonka diyaaraha ugu weyn wadanka.

Noocyada dalagyada kala duwan ee laga keeno gobalada dalka gaar ahaan shabeelooyinka (shabeelada hoose iyo shabeelada dhexe iyo hiiran) ayaa loo soo iib geeyaa magaalada muqdishu ee xarunta gobalka banaadir taasi ayaa qeyb ka noqoneysa ganacsiga gobalka.

Suuqa weyn ee bakaaraha oo ah suuqa ganacsi ee ugu weyn dalka ayaa ku yaala muqdisho, suuqa bakaaraha waxaa ka jira dhammaan noocyada kala duwan ee ganacsiga taasoo keeneysa in kumanaan ka mid ah bulshada ku nool magaalada muqdisho ay u soo saqa tagaan suuqa bakaaraha.

Sido kale magaalada muqdisho waxaa laga helaa dhamman adeegyada kala duwan e ay bixiyaan hay’adaha dowlada maadaam ay tahay halka looga arimiyo dalka sida guud.

Waxbarasha gobalka banadir

Marka laga hadlaayo dhinaca waxbarasha, gobalka banaadir waa halka ay dadka ugu badan aadaan goobaha waxbarashada guud ahaan dalka.

Waxbarashada noocyadeeda kala duwan sida dugsiyada qur’aanka, macaahida, iskuulada, jaamacadaha iyo tacliinta sare ayaa si balaaran looga helaa gobalka banaadir.

Bulshada ku nool gobalka

Gobalka banaadir waxaa ku nool dadka ugu badan ee wadanka, dadkaasi ayaa isugu jira muwaadiniin soomaali ah iyo dad kale oo ka soo kala jeeda wadamo kale kuwaas oo siyaabo kala duwan ugu nool magaalada muqdisho.

Sida aan kore ku soo xusne isha dhaqaale ee ugu weyn gobalka waa ganacsiga noocyadiisa kala duwan haddii ay ahaan lahayd badeecada dalka iyo mida dalka dibadiisa laga keeno, waxaa jiro tiro dad ah oo ka jallaabta badda kuwaas oo soosaara noocyo kala duwan oo kalluun ah waxaana ay u iib geeyaan suuqyada waaweyn ee magaalada.

Goobaha dalxiiska ee gobalka

Gobalka waxaa ku yaala goobo dalxiiseed oo badan kuwaasi oo isugu jira kuwa dabiic ah iyo kuwa la sameeyey.

Goobaha dalxiiska waxaa ka mid ah: xeebaha sida badda liido iyo xeebta Jazeera oo ay maalin kasta u dalxiis tagaan dad aad u badan oo isugu jira soomaali iyo ajaanib, waxaa kaloo ka mid ah goob dalxiisa oo la sameeyey sida beerta nabadda, beerta daarusalaam, beerta banaadir I kuwo kale.

---

FAQs