Hordhac gobalka jubaland

Somaliya waxa ay ka kooban tahay 18 gobal, jubaland ama jubadda hoose waa gobal ka mid ah gobalada Somaliya.

Gobalkaan waxa uu dhacaa ama ku yalaa koonfurta soomalia, waxa uuna dhinaca galbeed xuduud kala wadaagaa ismaamulka soomaalida ee wadanka Kenya(NFD),dhinaca koonfur barina badweynta hindiya, dhinaca woqooyi barina maamulka koonfurgalbeed, dhinaca woqooyi galbeedna ismaamulka soolaamida ee itoobiya. magaalada kismaayo ayaa ah magaalo madaxda gobalkan jubadda hoose.

Qormadan kooban waxaan kaga bogan doonntaa macluumaad ku saabsan gobalka jubadda hoose.

Caasimada jubaland

Caasimada jubaland waa magaalada kismaayo, waa magaalo xeebeed weyn waxa ayna leedahay taariikh iyo ilbaxnimo hore oo soo jiren ah.

magaalada kismaayo waxa ay ka kooban tahay xaafado dhowr ah oo ay ka mid yihiin:

Farjano, faanoole, calanley, iskufilan, shaqaalaha, dalxiiska ,dalcada, via afmadow iyo kuwo kale.

Nolosha bulshooyinka ku dhaqan magaalada kismayo waxa ay ku tiirsan tahay ganacsiga, beeraha, xoolaha iyo kalluumeysiga.

Dhaqaalaha iyo waxsoosaarka gobalka

Gobalka jubadda hoose waa gobala dhaqaale iyo waxsoosaar fiican leh marka loo eego gobalada kale ee dalka.

Bulshada ku nool gobalakan jubadda hoore waxa ay isugu jiraan ganacsato, beeraleey, xoolo dhaqato iyo kalluumeysato.

1- Ganacsiga:

Maadaama uu gobalka leeyahay bad iyo teked wax laga dhoofiyo waxna loo soo dhofiyo, sidoo kalena uu leeyahay tiro garoomo diyaaradeed tani waxa ay saacideysaa sare u kaca kobaca ganacsiga ee gobalka.

Magaalada kismaayo waa magaalo ku caan ah ganacsigiyada kala duwan sida xoolaha, kalluunka, dallaga beeraha iyo badeecada laga keeno wadanka dibadiisa.

2- Beeraha:

Gobalka jubadda hoose waxa uu ka mid yahay gobalada hodanka ku ah wax soo saarka dalagyada kala dugan, gobalka waxa uu leeyahay dhul beereed baaxad weyn sido kale gobalka waxaa mara webiga jubba oo ah webiga ugu weyn ee mara soomaaliya, tan ayaa ka dhigeysa in tiro badan oo ka mid ah bulshada ku dhaqan gobalka ay yihiin beeraleey.

Dalagyada laga soo saaro beeraha waxa loo iib geeyaa magaalooyinka waaweyn ee gobalka sida kismaayo, afmadoow,dhoobley iyo jamaame.

waxaa sido kale dalagyada waxaa loo qaadaa wadanka dibadiisa sida dalka keyna.

3- Xoolaha:

Gobalka jubbada hoose waxa uu leeyahay keymo iyo dhul daaqsin ballaaran, tani ayaa ka dhigeysa in dad badan oo ka mid ah bulshada ku dhaqanka gobalka ay yihiin xoolo dhaqato.

Xoolaha nicmooleyda kala duwan sida geela, lo’da, riyaha iyo idaha ayaa ka mid ah waxa ay dhaqdaan xoolo-dhaqatada ku nool gobalka.

Qaar ka mid ah xoolahan ayaa loo dhoofiyaa oo loo iib geeyaa wadanka dibadiisa sida wadamada imaaraadka iyo sacuudiga.

4- Kalluumeysiga:

Maadaama uu gobalka leeyahay xeeb dheer iyo webi, dad badan oo ka mid ah bulshada ku nool gobalka ayaa ah kalluumeysato ka jalaabta badda iyo webiga labaduba.

Noocyo ka duwan oo kalluun ah ayey soo saaraan waxa ay ku maareeyaan nolosha qoysaskooda, sido kalena waxa ay u iib geyaan suuqyada waaweyn ee gobalka, mararka qaar waxaa loo dhoofiyaa wadamada deriska sida keyna.

Waxbarashada jubaland

Gobalka jubadda hoose waxa uu ka mid yahay gobalada leh adeegyada tacliinta noocyadeeda kala dugan diini iyo maadi intaba.

Xarumo waxbarsho oo isugu jira dugsiyo-qur’aan, iskuullo iyo jaamacado yaa ku yaala gobalka gaar ahaan magaalada kismaayo oo ah caasimada gobalka.

Tiro badan oo ardey ah ayaa sannad kasta ka soo qalin jabisa xarumahaas waxbarasho ee aan soo sheegney ardeyda qaar wax ay sii wataan waxbarashdooda ayaga oo jooga gobalka, halka qaarkalena ay aadaa gobalada kale ee dalka sida caasimada dalka ee muqdisho ama wadanka dibadiisa si ay u sii wataan waxbarashadooda.

Goobaha dalxiiska jubaland

Gobalka waxa uu leyhay goobo dalxiis oo kala duwan halkaas oo ay u dalxiis tagaan bulshada ku dhaqan gobalka iyo kuwa kale ee ka yimaada gobalada kale ee dalka ama dibada.

Tuulada gobweyn ayaa ka mid ah boogaha dalxiiska ee gobalka, tuuladan waxa ay caan ku tahay dhaqashada xoolaha, beeraha iyo kalluumeysiga.

Tuuladan gobweyn waxaa mara webiga jubba, waxaana ku yaalka halka ay isaga daraan webiga jubba iyo badweynta hindiya.

Waa goob dalxiiseed qurux badan oo ka mid ah goobaha dabiiciga ah ee uu leeyahay dalka gaar ahaan gobalka jubadda hoose.

Tiro jaziirado dalxiiseed ayaa sido kale ku yaala gobalka, waxaa ka mid ah:

Kudhaa, fuuma, raskambooni, kulbiyow, koyoma iyo kuwa kale oo badan.

Jiziiradahan waxaan inta badan ku nool tiro yar oo qoysas kalluumeysato ah.

Magaalooyinka ugu caansan ee jubaland

Gobalka waxaa ku yaala magaalooyin dhowr ah kuwaas oo leh ilbaxnimo kala duwan waxaana ka mid ah:

Kismaayo, jamaame, badhaadhe, afmadow, baardheere, garbahaareey, saakow, bu’aale jilib iyo kuwo kale.

Gunaanad

Gobalka jubada hoose waa uu ka mid yahay gobalada ugu ballaaran dhul ahaan, waxana uu leeyahay xeeb dheer iyo webi.

Bulsho aad u badan ayaa ku dhaqan gobalkan, kuwaasi oo nolol ahaan ku tiirsan ilo kala gadisan, sida ganacsiga, dhaqashada xoolaha, beeraha iyo kalluumeysiga.

FAQs